Knattspyrnumarkvörðurinn Ingvar Þór Kale er genginn til liðs við Hvíta riddarann.
Ingvar Þór er fertugur og spilaði síðast með Kórdrengjum í deildabikarnum árið 2022.
Hann varð Íslands- og bikarmeistari með Breiðabliki á sínum tíma og bikarmeistari með Val. Alls lék hann 151 leik í efstu deild.
Hvíti riddarinn er í þriðju deild og situr í ellefta og næstneðsta sæti deildarinnar með tíu stig eftir tíu leiki.