Hallgrímur Mar Steingrímsson hefur verið í stóru hlutverki hjá KA í Bestu deild karla undanfarnar vikur og á sunnudaginn náði hann enn einum áfanganum á ferlinum þegar KA vann Vestra, 2:0, í 14. umferð deildarinnar á Ísafirði.
Hallgrímur skoraði bæði mörk KA og það fyrra var hans hundraðasta mark í deildakeppninni hér á landi. Hann er því kominn með 101 mark, þar af 63 í efstu deild, 31 í 1. deild og sjö í 2. deild. Markamet Hallgríms fyrir KA í efstu deild er 59 mörk.
Hann hefur skorað þessi mörk í 338 leikjum, þar af 184 í efstu deild, 123 í 1. deild og 31 leik í 2. deild. Þar af eru 90 fyrir KA, sjö fyrir Völsung og fjögur fyrir Víking í Reykjavík.
Tveir leikmenn skoruðu sitt fyrsta mark í efstu deild þegar FH vann HK 3:1 í Kaplakrika í gærkvöld. Það voru Birnir Breki Burknason sem skoraði mark HK og jafnaði, og Bjarni Guðjón Brynjólfsson sem kom FH í 2:1. Þá skoraði Ísak Óli Ólafsson sitt fyrsta mark fyrir FH í deildinni þegar hann gerði fyrsta mark leiksins.
Tveir af leikjum fjórtándu umferðar fóru fram í lok maí þegar Breiðablik og Víkingur skildu jöfn, 1:1, og Valur vann Stjörnuna, 5:1.
Úrslitin í 14. umferð:
Fram - KR 1:0
Vestri - KA 0:2
FH - HK 3:1
Fylkir - ÍA 3:0
Markahæstir í deildinni:
12 Viktor Jónsson, ÍA
11 Patrick Pedersen, Val
7 Emil Atlason, Stjörnunni
7 Jónatan Ingi Jónsson, Val
6 Danijel Dejan Djuric, Víkingi R.
6 Guðmundur Magnússon, Fram
6 Gylfi Þór Sigurðsson, Val
6 Hallgrímur Mar Steingrímsson, KA
6 Helgi Guðjónsson, Víkingi R.
6 Sigurður Bjartur Hallsson, FH
5 Arnþór Ari Atlason, HK
5 Benoný Breki Andrésson, KR
5 Jason Daði Svanþórsson, Breiðabliki
5 Tryggvi Hrafn Haraldsson, Val
5 Úlfur Ágúst Björnsson, FH
4 Ari Sigurpálsson, Víkingi R.
4 Aron Elís Þrándarson, Víkingi R.
4 Atli Sigurjónsson, KR
4 Björn Daníel Sverrisson, FH
4 Daníel Hafsteinsson, KA
4 Haukur Örn Brink, Stjörnunni
4 Jón Gísli Eyland, ÍA
4 Viktor Karl Einarsson, Breiðabliki
Næstu leikir:
20.7. HK - Vestri
20.7. KA - Víkingur R.
21.7. Fram - Valur
21.7. Breiðablik - KR
21.7. Stjarnan - Fylkir
22.7. FH - ÍA