Sveindís hetja Íslands í Póllandi

Ísland hafði betur gegn Póllandi, 1:0, á útivelli í lokaleik liðanna í undankeppni EM kvenna í fótbolta í Sosnowiec í Póllandi í kvöld. Íslenska liðið endar í öðru sæti A4-riðilsins með 13 stig, tveimur stigum á eftir Þýskalandi.

Leikurinn fór rólega af stað en eftir um 20 mínútna leik tók íslenska liðið völdin og skapaði sér nokkur færi. Sveindís Jane Jónsdóttir skaut rétt framhjá á 20. mínútu og tveimur mínútum síðar átti Guðrún Arnardóttir fast skot í slána úr teignum.

Strax í kjölfarið átti Glódís Perla Viggósdóttir hættulegan skalla að marki eftir horn en Kinga Szemik í marki Pólverja varði.

Sókn íslenska liðsins hélt áfram og hún skilaði árangri á 32. mínútu er Sveindís Jane Jónsdóttir skoraði fyrsta mark leiksins. Hún vall þá boltann við miðlínuna, brunaði inn í teiginn og skoraði af öryggi.

Pólland fékk fleiri færi eftir markið það sem eftir lifði fyrri hálfleiks en Fanney Inga Birkisdóttir þurfti ekki að taka á honum stóra sínum í markinu og fór Ísland með 1:0 forskot inn í hálfleikinn.

Íslenska liðið byrjaði seinni hálfleikinn af krafti og fóru fyrstu 15 mínúturnar nánast einungis á vallarhelmingi pólska liðsins. Alexandra Jóhannsdóttir, Emilía Kiær Ásgeirsdóttir og Guðný Árnadóttir fengu allar færi.

Alexandra skallaði framhjá eftir horn, Guðný fékk gott færi í teignum en Szemik varði og Emilía skallaði framhjá úr dauðafæri eftir að Sveindís skallaði boltann til hennar.

Leikurinn jafnaðist næstu mínútur og var staðan enn 1:0 þegar 20 mínútur voru til leiksloka. Lítið var um færi á lokakaflanum og Ísland fagnaði sínum fyrsta og eina útisigri í riðlinum.

Lýsing uppfærist sjálfkrafa

Allar lýsingar í beinni

Aðrir virkir leikir

Shamrock	2:0	Víkingur R.	Skoða leik
39. mín. Trevor Clarke (Shamrock) fær gult spjald Fyrsta spjald leiksins. Víkingar fá aukaspyrnu á góðum stað.
Augnablik — sæki gögn...

Leiklýsing

Pólland	0:1	Ísland	Opna lýsingu Loka
90. mín. Þetta virðist vera að fjara út. 30 sekúndur eftir og boltinn á miðjum vellinum.
Augnablik — sæki gögn...

• Blogga um frétt