Endurkoma og Breiðablik áfram

Breiðablik og Tikvesh átt­ust við í síðari leik liðanna í fyrstu um­ferð undan­keppni Sam­bands­deild­ar Evr­ópu í fót­bolta í kvöld og lauk leikn­um með sigri Breiðabliks 3:1.

Leikið var á Kópa­vogs­velli. Breiðablik vann ein­vígið því sam­an­lagt 5:4 og er komið áfram í næstu um­ferð. Fyrri leik liðanna lauk 3:2 fyr­ir Tikvesh í Norður-Makedón­íu og Bik­ar unnu því ein­vígið, 5:4, og mæta Drita frá Kósóvó í ann­arri um­ferð.

Heima­menn í Breiðabliki voru mun betri í fyrri hálfleik og yf­ir­spiluðu gest­ina frá Norður-Makedón­íu á köfl­um. Það breytti því þó ekki að það voru gest­irn­ir sem komust yfir í leikn­um strax á 8. mín­útu með marki frá Ediz Spa­hiu eft­ir send­ingu frá Vitao. Staðan 1:0 fyr­ir gest­ina og sam­an­lagt 4:2.

Eft­ir þetta sóttu leik­menn blika án af­láts. Á 16. mín­útu fékk Krist­inn Stein­dórs­son frá­bært skot­færi en skotið yfir markið. Á 32. mín­útu fékk Ísak Snær Þor­valds­son upp­lagt færi eft­ir horn­spyrnu en hann skallaði yfir.

Aron Bjarna­son sókn­ar­maður Breiðabliks í bar­áttu við varn­ar­mann Tikvesh í kvöld. mbl.is/​Arnþór Birk­is­son

Blikar fengu aðra horn­spyrnu á 41. mín­útu leiks­ins. Krist­inn Stein­dórs­son fékk þá fínt mark­tæki­færi en skalli hans fór fram­hjá mark­inu.

Á 44. mín­útu leiks­ins dró til tíðinda. Al­ex­and­er Helgi Sig­urðar­son gaf bolt­ann fyr­ir mark gest­anna sem hreinsuðu bolt­ann út úr víta­teign­um. Þar var mætt­ur Krist­inn Stein­dórs­son sem skaut bolt­an­um viðstöðulaust í blá­hornið og skoraði. Staðan orðin 1:1 og sam­an­lagt 4:3 fyr­ir gest­ina.

Staðan í hálfleik á Kópa­vogs­velli 1:1.

Krist­inn Stein­dórs­son með bolt­ann í víta­teig Tikvesh en hann kom Blik­um í 2:1. mbl.is/​Arnþór Birk­is­son

Gest­irn­ir frá Makedón­íu byrjuðu síðari hálfleik­inn strax á því að tefja og var al­veg ljóst að þeir ætluðu að reyna að halda fengn­um hlut í 45 mín­út­ur. Því voru heima­menn ekki sam­mála því strax á 53. mín­útu komust leik­menn Breiðabliks yfir í leikn­um með marki frá fyr­irliðanum Hösk­uldi Gunn­laugs­syni, 2:1.

Í kjöl­far marks­ins gerður gest­irn­ir fjór­ar skipt­ing­ar á stutt­um kafla. Það breytti því þó ekki að heima­menn héldu áfram að sækja að marki Tikvesh  og 74. mín­útu fékk Krist­inn Stein­dórs­son úr­vals­færi eft­ir skynd­isókn en skot hans fram­hjá.

Hösk­uld­ur Gunn­laugs­son kom Blik­um yfir. mbl.is/​Arnþór Birk­is­son

Blikar gerðu tvö­falda skipt­ingu á 75. mín­útu en strax í kjöl­farið fengu gest­irn­ir frá­bært færi til að jafna en skot Léo Gu­erra fór rétt fram­hjá.

Á 85 mín­útu komust heima­menn í Breiðabliki 3:1 yfir og sam­an­lagt 5:4 þegar Pat­rik Johann­esen gaf stungu­send­ingu á Kristó­fer Inga Krist­ins­son. Daniel Moj­sov miðvörður Tikvesh reyndi að tækla hann en sendi þá bolt­ann rak­leitt fram­hjá út­hlaup­andi markverðinum og í eigið mark.

Fleiri urðu mörk­in ekki og eru Blikar komn­ir í næstu um­ferð Sam­bands­deild­ar Evr­ópu og mæta þeir liði Drita frá Kó­sovó í næstu um­ferð.  

Breiðablik	3:1	Tikvesh	Opna lýs­ingu Loka
90. mín. Pat­rik Johann­esen (Breiðablik) fær gult spjald
Kristinn Steindórsson (44. mín.) Höskuldur Gunnlaugsson (53. mín.) Kristófer Ingi Kristinsson (85. mín.) Mörk Ediz Spahiu (8. mín.) Viktor Karl Einarsson (69. mín.) Patrik Johannesen (90. mín.) Spjöld Mihail Manevski (30. mín.) Aleksandar Varelovski (60. mín.) mín. 90 Leik lokið 90 Tikvesh fær hornspyrnu 90 Daniel Mojsov (Tikvesh) á skot sem er varið Stórkostleg varsla frá Antoni Ara. Hann ver hér aukaspyrnu Daniel. 90 Patrik Johannesen (Breiðablik) fær gult spjald 88 Almir Cubara (Tikvesh) kemur inn á 88 Kristian Stojkovski (Tikvesh) fer af velli 85 MARK! Kristófer Ingi Kristinsson (Breiðablik) skorar 3:1. Patrik Johannessen með stungusendingu inn á Kristófer Inga sem skorar. Samt spurning hvort þetta skrifist sem sjálfsmark á Daniel Mojsov? 82 Arnór Gauti Jónsson (Breiðablik) kemur inn á 82 Kristinn Jónsson (Breiðablik) fer af velli 82 Benjamin Stokke (Breiðablik) kemur inn á 82 Ísak Snær Þorvaldsson (Breiðablik) fer af velli 78 Leo Guerra (Tikvesh) á skot framhjá Þetta var frábærlega gert hjá Leo Guerra. Hann saumar sig í gegnum vörn heimamanna og skýtur fallegu skoti að marki sem fer rétt framhjá. Þarna voru blikar heppnir. 75 Kristófer Ingi Kristinsson (Breiðablik) kemur inn á 75 Kristinn Steindórsson (Breiðablik) fer af velli 75 Patrik Johannesen (Breiðablik) kemur inn á 75 Alexander Helgi Sigurðarson (Breiðablik) fer af velli 74 Kristinn Steindórsson (Breiðablik) á skot framhjá Dauðafæri! Skyndisókn hjá blikum sem endar með skoti úr frábæru færi hjá Kristni. Þarna átti hann að skora! 69 Viktor Karl Einarsson (Breiðablik) fær gult spjald Þetta var ansi mjúkt brot að mínu mati. 67 Kristinn Steindórsson (Breiðablik) á skot framhjá Fær boltann út við vítateigsbogann eftir hornspyrnu en skotið langt framhjá. 67 Breiðablik fær hornspyrnu 65 David Manasievski (Tikvesh) kemur inn á 65 Roberto Menezez Neto (Tikvesh) fer af velli 65 Gjorgi Gjorgjiev (Tikvesh) kemur inn á 65 Ediz Spahiu (Tikvesh) fer af velli 60 Aleksandar Varelovski (Tikvesh) fær gult spjald Blikar fá aukaspyrnu fyrir utan teig. Fínt tækifæri til að komast yfir. 55 Leo Guerra (Tikvesh) kemur inn á 55 Blagoja Spirkoski (Tikvesh) fer af velli 55 Mile Todorov (Tikvesh) kemur inn á 55 Martin Stojanov (Tikvesh) fer af velli 53 MARK! Höskuldur Gunnlaugsson (Breiðablik) skorar 2:1. Höskuldur fær sendingu til vinstri frá Aroni Bjarnasyni rétt fyrir utan vítateig og skýtur boltanum í bláhornið. Glæsilegt mark hjá Blikum sem eru búnir að jafna einvígið 4:4. 51 Höskuldur Gunnlaugsson (Breiðablik) á skalla sem er varinn 49 Leikmenn Tikves byrja leikinn á að tefja. 46 Seinni hálfleikur hafinn Það eru leikmenn GFK Tikves sem hefja hér síðari hálfleik. Nú er að duga eða drepast fyrir Breiðablik. 45 Hálfleikur Staðan jöfn í hálfleik. 44 MARK! Kristinn Steindórsson (Breiðablik) skorar 1:1. Alexander gefur boltann fyrir sem gestirnir hreinsa út úr teignum en það er Kristinn mættur og hamrar boltanum í bláhornið. Staðan 1:1 og samtals 4:3 fyrir gestina. Blikar þurfa eitt mark í viðbót til að knýja fram framlengingu. 41 Kristinn Steindórsson (Breiðablik) á skalla sem fer framhjá Þessi fór rétt framhjá. 41 Breiðablik fær hornspyrnu 32 Ísak Snær Þorvaldsson (Breiðablik) á skalla yfir Þarna munaði ekki miklu. 31 Breiðablik fær hornspyrnu 30 Blikar fá aukaspyrnu fyrir utan vítateiginn hægra megin. Það má vel minnka forskotið með föstu leikatriði. 30 Mihail Manevski (Tikvesh) fær gult spjald 27 Breiðablik fær hornspyrnu 26 Leikmenn Tikvesh nota öll tækifæri til að tefja. Þeir eru auðvitað með tveggja marka forskot (4:2) eins og staðan er núna og þurfa ekkert að flýta sér. Þeir reyna því að drepa tímann og leikinn. 23 Blikar eru að pressa gríðarlega hátt á vellinum núna og gestirnir komast varla yfir miðju. Þetta hlítur að fara skila árangri hjá okkar mönnum. 22 Það er svo sem ekki frá miklu að segja þessar mínúturnar en það er alveg ljóst að Breiðablik er miklu betra liðið á vellinum og í raun gefur staðan og þetta mark sem kom, engan veginn rétta mynd af gangi leiksins. 16 Kristinn Steindórsson (Breiðablik) á skot yfir Dauðafæri 10 Breiðablik fær hornspyrnu 8 MARK! Ediz Spahiu (Tikvesh) skorar 0:1. Þetta var frekar sérstakt. Tasev skýtur fram völlinn og þar berst boltinn á Vitao sem skrúfar boltann fyrir markið og þar berst boltinn til Spahiu sem skorar. Algjör andvaraleysi hjá Blikum. 6 Fyrsta færi leiksins leit dagsins ljós rétt í þessu en boltinn dæmdur af blikum. Ísak fékk boltann inni í teig frá hægri og skallaði að marki í dauðafæri en Stefan Tasev varði og aukaspyrna dæmd á Breiðablik. 1 Leikur hafinn Það eru heimamenn í Breiðablik sem byrja leikinn. 0 Liðin eru mætt út á völlin og það er ekki eftir neinu að bíða. Góða skemmtun. 0 Nú er verið að kynna liðin til leiks. Áhorfendur streyma í stúkuna og gætum við átt von á skemmtilegri stemmningu hér á Kópavogsvelli. 0 Það er grenjandi rigning á Kópavogsvelli sem stendur. Grenjandi rigning er kannski of vægt lýsingarorð fyrir þessa rigningu. 0 Byrjunarliðin eru klár fyrir leikinn og eru blikar með 23 leikmenn á skýrslu á meðan Tikves er með 22 leikmenn. 0 Til þess að komast áfram þurfa blikar að vinna með tveimur mörkum. Eins marks sigur kemur liðinu í framlengingu. Það gilda engar reglur um útivallarmörk lengur. 0 Sigurliðið mætir FC Drita frá Kó­sovó í 2. um­ferð. 0 Fyrri leikurinn fór 3:2 fyrir Tikvesh í Norður-Makedóníu eftir að Breiðablik hafði misst niður tveggja marka forskot. 0 Gott kvöld og verið velkomin með mbl.is í beina textalýsingu frá leik Breiðabliks og Tikvesh í 1. umferð undankeppni Sambandsdeildar karla í knattspyrnu. Sjá meira Sjá allt Breiðablik: (4-3-3) Mark: Anton Ari Einarsson. Vörn: Andri Rafn Yeoman, Damir Muminovic, Viktor Örn Margeirsson, Kristinn Jónsson (Arnór Gauti Jónsson 82). Miðja: Höskuldur Gunnlaugsson, Alexander Helgi Sigurðarson (Patrik Johannesen 75), Viktor Karl Einarsson. Sókn: Aron Bjarnason, Kristinn Steindórsson (Kristófer Ingi Kristinsson 75), Ísak Snær Þorvaldsson (Benjamin Stokke 82). Varamenn: Jón Sölvi Símonarson (M), Brynjar Atli Bragason (M), Kristófer Máni Pálsson , Daniel Obbekjær, Oliver Sigurjónsson, Arnór Sveinn Aðalsteinsson, Patrik Johannesen, Dagur Örn Fjeldsted, Benjamin Stokke, Kristófer Ingi Kristinsson, Arnór Gauti Jónsson, Tumi Fannar Gunnarsson. Tikvesh: (4-5-1) Mark: Stefan Tasev. Vörn: Aleksandar Varelovski, Oliver Stoimenovski, Daniel Mojsov, Mihail Manevski. Miðja: Ediz Spahiu (Gjorgi Gjorgjiev 65), Blagoja Spirkoski (Leo Guerra 55), Kristian Stojkovski (Almir Cubara 88), Roberto Menezez Neto (David Manasievski 65), Martin Stojanov (Mile Todorov 55). Sókn: Vitao. Varamenn: Stojan Dimovski (M), Danail Tasev, Gjorgi Gjorgjiev, Milovan Petrovikj, Stojan Petovski, Almir Cubara, David Manasievski, Mile Todorov, Filip Mihailov, Martin Todorov, Leo Guerra. Skot: Breiðablik 9 (4) - Tikvesh 3 (2) Horn: Breiðablik 5 - Tikvesh 1. Lýsandi: Jón Kristinn Jónsson Völlur: Kópavogsvöllur Leikur hefst 18. júlí 2024 19:15 Aðstæður: Skýjað og rigning á köflum. Dómari: Peiman Simani frá Finnlandi Aðstoðardómarar: Christian De Casseres og Samu Koskinen frá Finnlandi

• Blogga um frétt