Knattspyrnumaðurinn Adam Ægir Pálsson er á leiðinni til Perugia á Ítalíu á lánssamningi frá Val.
Í leiðinni skrifar Adam Ægir undir nýjan samning hjá íslenska félaginu til lok árs 2026. Félagið greindi frá rétt í þessu.
Adam gekk í raðir Vals frá Víkingi í Reykjavík fyrir síðustu leiktíð en hann hefur lítið fengið að spila í ár.
Adam fer á lán til Perugia sem spilar í ítölsku C-deildinni. Það er kaupréttur í lánssamningnum sem gildir út tímabilið.