„Horfum bara upp á við“

Gígja Val­gerður Harðardótt­ir er geng­in í end­ur­nýj­un lífdaga sem leikmaður í Bestu deild­inni í fót­bolta. Gígja var upp á sitt besta fyr­ir rúm­um ára­tug með Þór/​KA. Hún er núna lang­elst í liði Vík­inga, sem eru að gera góða hluti sem nýliðar í deild­inni.

Í kvöld var hún á gamla heima­vell­in­um þar sem Vík­ing­ur lagði Þór/​KA 2:0. Þótti ein­sýnt að fá Gígju í viðtal en blaðamaður mbl.is þurfti að trufla hana frá því að knúsa börn­in sín tvö. Þau biðu stillt og prúð á meðan móðir þeirra lét gamm­inn geisa.

„Ég spilaði hérna með HK/​Vík­ingi fyr­ir nokkr­um árum en hef verið í smá pásu að hugsa um annað síðustu ár. Það var gam­an að koma aft­ur og sjá all­ar mynd­irn­ar upp á veggj­un­um en ég var hérna hjá Þór/​KA í nokk­ur ár. Sum­ir sam­herj­ar mín­ir í dag voru ekki fædd­ir þegar ég spilaði fyrst í meist­ara­flokki og þegar ég var hjá Þór/​KA þá voru marg­ar þeirra bara litl­ar stelp­ur. Þetta er því dá­lítið skemmti­legt.“

Nú er Gígja kom­in á fullt aft­ur og er þá að taka seinni skammt­inn sinn í bolt­an­um.

„Það er bara mjög gam­an að vera kom­in aft­ur í efstu deild og sam­herj­ar mín­ir taka ekk­ert eft­ir því að ég sé miklu eldri en marg­ar þeirra. Þetta eru mjög góðar og skemmti­leg­ar stelp­ur.“

Það má al­veg segja um liðið ykk­ar að það sé óút­reikn­an­legt. Þið hafið unnið Breiðablik og Þór/​KA í deild­inni, unnuð Val í Meist­ara­keppn­inni en eigið í vand­ræðum með liðin í neðstu sæt­un­um. Er ekki næsta skref að ná meiri stöðug­leika og fá fleiri stig gegn liðunum fyr­ir neðan ykk­ur?

„Það virðist vera auðveld­ara að gíra liðið upp fyr­ir leik­ina á móti stærri liðunum. Við þurf­um að ná því að breyta þessu og koma svona ein­beitt­ar í alla leiki. Við vilj­um fara eins of­ar­lega og hægt er og horf­um bara upp á við.“

Arn­ar Gunn­laugs­son sagði þetta ein­mitt margoft fyr­ir nokkr­um árum þegar karlalið Vík­inga var í svipaðri stöðu og þið. Nú eru lið hans iðulega á toppn­um. Það á að koma sama hug­ar­fari inn hjá ykk­ur. Verðið þið komn­ar í toppslag­inn næstu tíma­bil?

„Við erum nýliðar í deild­inni og mark­miðið var ekki að halda bara sæt­inu í deild­inni í sum­ar. Við vilj­um vera eitt af bestu liðunum og í ár varmark­miðið að festa liðið í sessi sem efstu-deild­ar lið. Von­andi tekst svo að byggja ofan á það og styrkja liðið og bæta ár­ang­ur­inn á næstu árum“ sagði Gígja Val­gerður að lok­um.

• Blogga um frétt