Selfoss og Haukar mætast í átta liða úrslitum bikarkeppni neðrideilda karla í knattspyrnu á Selfossi 6. ágúst.
Dregið var í átta liða úrslitin í höfuðstöðvum KSÍ í hádeginu en fulltrúar KSÍ og fótbolta.net, sem er styrktaraðili mótsins, sáu um dráttinn.
Selfoss gegn Haukum er stærsti leikurinn en þau eru bæði í 2. deildinni.
Þá fær 3. deildarliðið Augnablik 2. deildarlið KFA í heimsókn.
3. deildarliðin Vængir Júpíters og Árbær mætast í Grafarvoginum og 3. deildarlið Kára heimsækir Tindastól, sem spilar í 4. deild, á Sauðárkrók.