Anna Björk Kristjánsdóttir, landsliðskona í fótbolta, verður ekki meira með Val á árinu en hún á von á barni eftir áramót ásamt kærasta sínum Róberti Steinari Hjálmarssyni.
Anna Björk gekk til liðs við Val síðasta sumar og hefur verið lykilmaður hjá liðinu síðan. Hún hefur ekki spilað síðan í lok júní.
Anna, sem er fædd árið 1989, er þaulreynd knattspyrnukona sem á að baki 45 landsleiki.
Þá lék hún meðal annars með Inter Mílanó í ítölsku A-deildinni áður en hún hélt heim til Vals.