Tímabilið búið hjá Blikanum

Knattspyrnukonan Áslaug Munda Gunnlaugsdóttir spilar ekki meira með Breiðabliki á þessu tímabili.

Hún hefur verið mikið frá undanfarin ár en á þessu tímabili hefur hún aðeins spilað sex leiki í deild og einn í bikar.

Áslaug Munda tognaði aftan í læri í upphitun fyrir leik Breiðabliks gegn Val í maí sl. og hefur síðan átt erfitt með að koma sér aftur á völlinn í kjölfarið. Þar á meðal vegna erfiðra veikinda og blóðsýkingu. Þá síðast fyrir þremur vikum tognaði hún aftan í læri sem hefur haldið henni alfarið frá fótbolta og verður ekkert með Breiðabliki meira í sumar en þetta staðfesti Áslaug í samtali við mbl.is.

Áslaug fer svo til Bandaríkjanna í byrjun ágúst en hún spilar með Harvard í banda­ríska há­skóla­bolt­an­um.

• Blogga um frétt