Blikar lagðir á Kópavogsvelli

Breiðablik og Drita frá Kósóvó átt­ust við í fyrri leik liðanna í undan­keppni Sam­bands­deild­ar Evr­ópu í fót­bolta á Kópa­vogs­velli í gær­kvöld og lauk leikn­um með sigri gest­anna í Drita, 2:1. 

Þrátt fyr­ir að Breiðablik hafi byrjað leik­inn þá tók það ekki nema rétt rúm­lega tvær mín­út­ur fyr­ir Drita að skora í leikn­um og kom­ast yfir. Það gerði fram­herji liðsins, Arb Manaj eft­ir að hafa fengið bolt­ann frá hægri. Þá snéri hann sér í teign­um og skoraði og staðan 1:0.

Það sást fljótt að gest­irn­ir mættu mun stemmd­ari til leiks og voru aðgangs­h­arðari í byrj­un. Það skilaði sér aft­ur á 23 mín­útu leiks­ins þegar Vet­on Tusha slapp einn inn fyr­ir vörn Breiðabliks og skoraði fram­hjá Ant­oni Ein­ars­syni í marki blika. Staðan 2:0 fyr­ir Drita og staðan ansi svört fyr­ir Breiðablik. 

Leik­menn Breiðabliks virt­ust vakna aðeins til lífs­ins eft­ir þetta en þá fóru þeir að sækja harðar að marki Drita. Á 31 mín­útu fékk Vikt­or Örn Mar­geirs­son dauðafæri þegar bolt­inn barst til hans vinstra­meg­in í teig gest­anna en skot hans fram­hjá.

Stuttu síðar fengu heima­menn auka­spyrnu á mjög ákjós­an­leg­um stað. Hösk­uld­ur Gunn­laugs­son tók spyrn­una en skot hans endaði fram­hjá mark­inu. 

Á 45 mín­útu leiks­ins gerðu blikar harða at­lögu að marki Drita. Blikar fengu þá þrjár horn­spyrn­ur og upp úr þeim komu tveir skall­ar að marki og eitt skot frá Kristni Jóns­syni. Ísak Snær Þor­valds­son var næst því að skora þegar skalli hans var var­inn í horn. Glæsi­leg­ur skalli og Drita heppn­ir að fá ekki á sig mark. 

Staðan í hálfleik 2:0 fyr­ir Drita og ansi brött brekka framund­an hjá blik­um.

Blikar mættu mun fersk­ari til leiks í síðari hálfleik og hófu strax að sækja að marki Drita. Strax á 49 mín­útu fékk Ísak Snær dauðafæri en skot hans varið í horn. 

Á 55 mín­útu átti Hösk­uld­ur Gunn­laugs­son frá­bært skot en yfir markið. Blikar héldu áfram að sækja og það skilaði sér á 71 mín­útu þegar Vikt­or Karl Ein­ars­son keyrði upp í skynd­isókn, gaf bolt­ann á Hösk­uld sem gaf áfram á Ísak. Ísak keyrði inn í teig og skoraði glæsi­legt mark. Staðan 2:1 fyr­ir Drita. 

Á 81 mín­útu fékk Benjam­in Stokke sann­kallað dauðafæri fyr­ir fram­an mark gest­anna en skot hans naum­lega varið. Stokke var svo aft­ur á ferðinni mín­útu síðar en skall­inn frá hon­um glæsi­lega var­inn.

Blikar héldu áfram að sækja fast að marki gest­anna. Á 89 mín­útu fékk varn­ar­maður­inn Besnik Krasn­iqi sitt annað gula spjald og þar með rautt og Blikar manni fleiri það sem eft­ir lifði leiks. 

Í upp­bót­ar­tíma fengu blikar auka­spyrnu rétt fyr­ir utan teig gest­anna. Hösk­uld­ur tók spyrn­una og var hárs­breidd frá því að skora en markvörður Drita varði meist­ara­lega. 

Blikar reyndu hvað þeir gátu til að jafna leik­inn en það gekk ekki. Loka­töl­ur á Kópa­vogs­velli 2:1 fyr­ir Drita en liðin eig­ast við aft­ur næsta þriðju­dag á heima­velli Drita í Kó­sovó og þar þurfa Blikar að vinna með tveim­ur mörk­um.