„Dómarinn kostaði okkur þriðja markið“

„Þetta er mikilvægur sigur en það er svekkjandi að þriðja markið fékk ekki að standa. Það hefði verið mjög mikilvægt.,“ sagði Jökull Elísabetarson, þjálfari Stjörnunnar eftir 2:1-sigur gegn Paide Linnameeskond frá Eistlandi, í 2. umferð Sambandsdeildar Evrópu í fótbolta í kvöld.

Frétt af mbl.is

Stjarnan marki yfir í einvíginu

Jökull var ekki mjög sáttur með dómgæsluna í kvöld en leikmenn Stjörnunnar fóru tvisvar sinnum niður í teignum og það var tekið mark af þeim undir lokin.

Frétt af mbl.is

„Ég varla snerti gæjann“

„Þetta var löglegt mark. Hann náði því þegar Kjartan  fór auðveldlega niður í teignum en það var peysutog, það er rétt að kalla ekki á það en ég veit ekki hvort hann þurfti að fá spjald fyrir það. Ég þarf að sjá aftur þegar Örvar Eggertsson lenti í átökum inni í teig.

Dómarinn kostaði okkur þriðja markið. Ég er ekki búin að sjá hvort þetta var hendi en sennilega var það rétt vítið sem við fengum á okkur, bara klaufalegt,“ sagði Jökull í viðtali við mbl.is eftir leikinn.

Finnst þér þetta svekkjandi niðurstaða?

„Mér finnst þetta mjög svekkjandi, mér fannst við vinna fyrir tveggja marka forystu. Mér fannst þeir ekki fá mörg færi í dag þannig þá vill maður fara með tveggja marka forystu.

Það er erfitt að fara á útivöll. Það er leikur um helgina en svo förum við í næstu viku og tökum það sem er okkar.“

Er erfitt að fara bara með eins marks forystu í útileikinn?

„Nei, ekki erfitt bara bara svekkjandi þegar strákarnir erum búnir að vinna fyrir tveggja marka forystu en fá ekki að taka það með.“

Stjarnan mæti ÍA í deildinni á sunnudaginn áður en þeir fara í útileikinn. Stjarnan sigraði Fylki í síðasta leik sem var á milli Evrópuleikja, 2:0.

„Við sýndum það síðasta að einbeitingin er góð fyrir hvern leik en það er erfitt að spila á milli og í fullkomnum heimi þá væri frí.“

• Blogga um frétt