Fram og ÍA skildu jöfn, 1:1, þegar liðin mættust í tólftu umferð 1. deildar kvenna í knattspyrnu í Úlfarsárdal í kvöld.
Erla Karitas Jóhannesdóttir kom Skagakonum yfir strax á 6. mínútu en Sylvía Birgisdóttir jafnaði metin fyrir Fram á 75. mínútu.
Liðin eru bæði með 16 stig í deildinni en Fram er samt í fimmta sæti og ÍA í því sjöunda. Á milli þeirra er ÍBV sem er líka með 16 stig en á leik til góða.