Víkingur mætir Egnatia frá Albaníu í fyrri leik liðanna í 2. umferð undankeppni Sambandsdeildar karla í fótbolta á Víkingsvellinum klukkan 18.45. Fylgst er með gangi mála í beinni textalýsingu hér á mbl.is.
Bæði lið féllu út í fyrstu umferð undankeppni Meistaradeildarinnar og færðust því yfir í undankeppni Sambandsdeildar. Víkingar töpuðu 2:1 samanlagt fyrir Shamrock Rovers frá Írlandi en Egnatia féll út í vítakeppni gegn Borac Banja Luka frá Bosníu.