ÍBV vann sterkan útisigur á Gróttu, 1:0, í 12. umferð 1. deildar kvenna í knattspyrnu á heimavelli Gróttu á Seltjarnarnesi í kvöld.
ÍBV komst upp fyrir Gróttu með sigrinum. Nú er Eyjaliðið með 19 stig í þriðja sæti en Grótta er í fjórða sæti með jafnmörg stig en verri markatölu.
Sigurmark Eyjakvenna skoraði Ágústa María Valtýsdóttir á 73. mínútu leiksins, en hún er aðeins 16 ára gömul.
Telusila Mataaho Vunipola fékk rautt spjald í liði ÍBV 10 mínútum síðar en Eyjaliðið hélt út.