ÍBV vann sterkan útisigur á Þór Akureyri, 3:0, í 1. deild karla í knattspyrnu á Akureyri í dag.
Eyjamenn eru komnir upp í annað sætið með 25 stig, sex stigum á eftir toppliði Fjölnis. Þórsarar eru í sjöunda sæti með 17 stig.
Sverrir Páll Hjaltested kom ÍBV yfir á 29. mínútu og Oliver Heiðarsson tvöfaldaði forystu liðsins á 49.
Sverrir Páll var síðan aftur á ferðinni á fjórðu mínútu uppbótartímans og innsiglaði sannfærandi 3:0-sigur.
Þór heimsækir Keflavík í næstu umferð en ÍBV fær Njarðvík í heimsókn um Verslunarmannahelgina.