Óskar Borgþórsson lagði upp tvö mörk í heimasigri Sogndal á Start, 4:0, í norsku B-deildinni í fótbolta í dag.
Óskar lagði upp fyrsta og þriðja mark liðsins en Sogndal er í baráttunni um að komast upp í norsku úrvalsdeildina.
Liðið er í fimmta sæti með 26 stig en efstu tvö liðin fara beint upp og liðin í þriðja til sjötta sæti berjast um eina lausa sætið.
Róbert Orri Þorkelsson lék þá allan leikinn í jafntefli Kongsvinger gegn Levanger í dag, 3:3.
Kongsvinger er í sjötta sæti með 26 stig, jafnmörg og Sogndal en verri markatölu.
Davíð Snær Jóhannsson lagði upp fyrra mark Aalesund í tapi liðsins fyrir Egersund, 3:2.
Aalesund er í vondum málum í norsku B-deildinni með níu stig í neðsta sæti deildarinnar.