Frábær sigur Stjörnunnar á Akranesi
Setja bókamerki
Stjarnan sótti þrjú sterk stig til Akraness þegar liðið vann ÍA, 3:1, í 16. umferð Bestu deildar karla í fótbolta í dag.
Stjörnumenn eru þar með komnir með 23 stig í sjötta sæti deildarinnar en ÍA er með stigi meira í fimmta sæti.
Skagamenn fengu hættulegri færi í fyrri hálfleiknum en Stjarnan var mun meira með boltann.
Fyrri hálfleikurinn endaði með látum
Hiti færðist í leikin undir lok hálfleiksins en þá áttust Johannes Björn Vall og Örvar Eggertsson við.
Jóhann Árni Gunnarsson braut síðan á Johannesi og ÍA fékk aukaspyrnu á fyrirgjafastað. Johannes gaf boltann fyrir og þaðan barst hann alla leið á fjærstöngina þar sem Viktor Jónsson var og potaði boltanum inn, 1:0.
Viktor fékk tvö dauðafæri á sömu mínútunni, 53., en skaut tvívegis rétt fram hjá markinu.
Stjarnan jafnaði á 56. mínútu leiksins. Þá fékk Baldur Logi Guðlaugsson boltann utan teigs og smellti honum í netið. Skotið var laust en söng í netinu þar sem að Árni Marinó Einarsson markvörður ÍA stóð bara í markinu, 1:1.
Örvar allt í öllu
Örvar Eggertsson bjargaði síðan skalla Erik Sanberg á línu á 75. mínútu með glæsibrag.
Hinum megin fékk Örvar síðan gott skotfæri stuttu seinna en setti boltan yfir markið.
Örvar var ekki hættur en á 80. mínútu kom hann Stjörnunni yfir. Þá fékk hann boltann hægra megin í teignum frá Róberti Frosta Þorkelssyni og smellti honum í fjærhornið, 2:1.
Skoraði í fyrsta leiknum
Jón Hrafn Barkarson innsiglaði sigur Stjörnunnar með laglegri afgreiðslu vinstra megin í teignum, 3:1. Þetta var hans fyrsti meistaraflokksleikur fyrir Stjörnuna.
Skagamenn heimsækja Vestra á Ísafjörð í næstu umferð eftir Verslunarmannahelgina.
Stjarnan mætir Paide í seinni leik liðanna í 2. umferð undankeppni Sambandsdeildarinnar á fimmtudaginn kemur en í næstu umferð heimsækja Garðbæingar Fram í Úlfarsárdalinn.
Aðrir virkir leikir
| Vestri | 0:2 | FH |
|
|---|---|---|---|
| Vuk Oskar Dimitrijevic (FH) skorar +5 0:2 - Ekki mjög fast skot en boltinn rúllar í netið. | |||
| Fram | 4:1 | Valur |
|
|---|---|---|---|
| Leik lokið Ótrúlegum leik lokið hér í Úlfarsárdal þar sem Fram vinnur 4:1. | |||
| Víkingur R. | 5:1 | HK |
|
|---|---|---|---|
| Leik lokið Öruggur sigur Víkings staðreynd! Voru lengi í gang en tóku svö öll völd eftir um 40 mínútur. Eftir það var þetta aldrei spurning. | |||
Leiklýsing
| ÍA | 1:3 | Stjarnan |
|
|---|---|---|---|
| Jón Hrafn Barkarson (Stjarnan) skorar 1:3 - Fyrsti leikur fyrsta mark! Jón Hrafn skorar í sínum fyrsta meistaraflokksleik fyrir Stjörnuna. Hann fær boltann vinstra megin í teignum og smellir honum í fjærhornið, laglega gert. | |||
Engin tengsl virðast vera á milli drengjanna
Þjóðvegurinn skemmdur á 700 metra kafla
„Það þarf að vera fullkomið gagnsæi um þessi kaup“
Ekki von á frekari hlaupum að svo stöddu
Myndir: Tjón vegna jökulhlaups
„Hótelið alveg fullbókað fyrir sólmyrkvann 2026“
Blasir við að gæðamálum sé ábótavant