Tveir leikmenn í Bestu deild kvenna í fótbolta léku sinn hundraðasta leik í deildinni í fimmtándu umferðinni sem lauk í gærkvöld.

Guðrún Karítas Sigurðardóttir úr Fylki lék sinn 100. leik þegar Árbæjarliðið beið lægri hlut fyrir Stjörnunni, 1:0, á heimavelli í fyrrakvöld.

Guðrún hefur leikið með fimm liðum í deildinni og spilað 17 leiki með ÍA, 26 með Stjörnunni, 16 með KR, 20 með Val og nú 21 leik með Fylki. Hún hefur skorað 19 mörk í þessum 100 leikjum en í 1. deild hefur Guðrún leikið 51 leik og skorað 36 mörk, fimmtán þeirra fyrir Fylki á síðasta ári.

Birta Georgsdóttir er komin með 100 leiki í efstu deild. mbl.is/Kristinn Magnússon

Birta Georgsdóttir úr Breiðabliki lék sinn 100. leik í deildinni þegar Kópavogsliðið tapaði 1:0 fyrir Val í toppslag Bestu deildarinnar á Hlíðarenda. Af þessum leikjum er 71 fyrir Breiðablik, 27 fyrir FH og tveir fyrir Stjörnuna sem er uppeldisfélag hennar.

Birta hefur skorað 20 mörk í þessum leikjum, 18 fyrir Breiðablik og tvö fyrir FH en hún hefur auk þess skorað 11 mörk í 16 leikjum í 1. deild.

Breiðablik fyrst í 700 leiki

Breiðablik varð í gærkvöld fyrsta félagið til að leika 700 leiki í efstu deild kvenna hér á landi en leikurinn við Val var 700. leikur félagsins sem hefur verið í deildinni öll ár nema eitt frá byrjun Íslandsmótsins árið 1972. Valur er síðan í öðru sæti en þetta var leikur númer 692 hjá Hlíðarendafélaginu sem hóf keppni árið 1977 og hefur verið í deildinni samfleytt síðan.

Úrslit­in í 15. um­ferð:
Tinda­stóll - Þór/​KA 3:3
Þrótt­ur R. - Kefla­vík 4:2
Fylk­ir - Stjarn­an 0:1
Vík­ing­ur R. - FH 3:2
Val­ur - Breiðablik 1:0

Marka­hæst­ar:
16 Sandra María Jessen, Þór/​​​​​​​​​​​​​KA
9 Jor­dyn Rhodes, Tinda­stóli
7 Agla María Al­berts­dótt­ir, Breiðabliki
7 Am­anda Andra­dótt­ir, Val
7 Jasmín Erla Inga­dótt­ir, Val
7 Vig­dís Lilja Kristjáns­dótt­ir, Breiðabliki
6 Ísa­bella Sara Tryggva­dótt­ir, Val
6 Andrea Rut Bjarna­dótt­ir, Breiðabliki
5 Haf­dís Bára Hösk­ulds­dótt­ir, Vík­ingi
5 Karen María Sigurgeirsdóttir, Þór/KA
5 Katrín Ásbjörns­dótt­ir, Breiðabliki
5 Kristrún Rut Ant­ons­dótt­ir, Þrótti
4 Birta Georgs­dótt­ir, Breiðabliki
4 Elísa Lana Sigurjónsdóttir, FH
4 Eva Rut Ásþórs­dótt­ir, Fylki
4 Hildigunnur Ýr Benediktsdóttir, FH
4 Ragn­heiður Þór­unn Jóns­dótt­ir, Val
4 Shaina Ashouri, Víkingi
4 Snæ­dís María Jör­unds­dótt­ir, FH

Næstu leik­ir:
9.8. FH - Fylkir
9.8. Tindastóll - Þróttur R.
9.8. Stjarnan - Valur
10.8. Keflavík - Víkingur R.
10.8. Breiðablik - Þór/KA

Tengdar fréttir

Besta deild í tölum

15/16. umferð: Leifur, Nikolaj og Helgi í sama leik

• 14. umferð: Berglind sjöunda - Hulda fimmta
• 13. umferð: Gígja og Ída með áfanga - Anna upp fyrir Hörpu
• 14. umferð: Skoraði mörk númer 100 og 101
• 12. umferð: Fanndís í fámennan hóp

» Fleiri tengdar fréttir

• Blogga um frétt