Vorum ekki á réttri leið með liðið

Börkur Edvardsson, formaður knattspyrnudeildar Vals, segir að karlalið félagsins hafi ekki verið á réttri leið undir stjórn Arnars Grétarssonar.

Valsmenn tilkynntu núna á ellefta tímanum í kvöld að Arnari hefði verið sagt upp störfum og Srdjan Tufegdzic hefði verið ráðinn í hans stað og  skrifað undir þriggja ára samning.

Frétt af mbl.is

Arnari sagt upp hjá Val - Srdjan tekur við

„Þetta snýst ekki um einstaka úrslit eða leiki heldur er það einfaldlega mat okkar í stjórn að við séum ekki á réttri leið með liðið og því var þessi ákvörðun tekin," segir Börkur í yfirlýsingu knattspyrnudeildar Vals.

„Við þökkum Adda fyrir allt það sem hann hefur gert síðan hann kom til okkar og óskum honum alls hins besta," segir Börkur.

• Blogga um frétt