Grótta er komin í annað sæti 1. deildar kvenna í knattspyrnu eftir útisigur á Grindavík, 2:1, í Safamýri í kvöld.
Grótta er nú með 25 stig, þremur stigum á undan Fram, ÍBV og ÍA, en Eyjaliðið á leik til góða.
Arnfríður Auður Arnarsdóttir og Kolbrá Una Kristinsdóttir skoruðu mörk Gróttu. Mark Grindavíkur skoraði Sigríður Emma F. Jónsdóttir.
Fram vann þá Aftureldingu, 3:1, í Úlfarsárdal. Framliðið er nú í þriðja sæti með 22 stig en Afturelding er í sjötta með stigi minna.
Telma Hjaltalín Þrastardóttir kom Aftureldingu yfir á 55. mínútu en Murielle Tiernan jafnaði metin fimm mínútum síðar, 1.1.
Birna Kristín Eiríksdóttir og Alda Ólafsdóttir sáu síðan til þess að Fram bar sigur úr býtum.