Gígja Valgerður Harðardóttir komst í fámennan hóp íslenskra knattspyrnukvenna í gær þegar hún lék með Víkingi í sigurleiknum gegn Keflavík í 16. umferð Bestu deildar kvenna.
Þetta var hennar 250. leikur í deildakeppninni á Íslandi og hún er 27. íslenska konan frá upphafi sem nær þeim leikjafjölda. Af þeim eru 153 leikir í efstu deild og 97 í 1. deild en Gígja hefur leikið með Víkingi, KR, HK, HK/Víkingi, Þór/KA, Val og Völsungi en þetta er hennar nítjánda tímabil í meistaraflokki.
Hulda Ósk Jónsdóttir, kantmaður Þórs/KA, lék sinn 200. deildaleik á ferlinum í gær þegar Akureyrarliðið mætti Breiðabliki á Kópavogsvellinum. Af þessum 200 leikjum eru 168 í efstu deild, þar af 152 með Þór/KA, og 32 í 1. deild.
Natasha Anasi lék sinn 100. leik í efstu deild hér á landi þegar Valur gerði jafntefli við Stjörnuna, 1:1. Þetta var hennar fjórði leikur fyrir Val eftir að hún kom frá Brann í Noregi en áður lék hún 44 leiki í deildinni fyrir ÍBV, 34 fyrir Keflavík og 18 fyrir Breiðablik.
Jordyn Rhodes jafnaði markamet Tindastóls í efstu deild þegar hún skoraði mark liðsins í ósigri gegn Þrótti, 2:1. Þetta var hennar 10. mark í 16 leikjum í ár en áður hafði Murielle Tiernan, sem nú leikur með Fram, skoraði 10 mörk fyrir Tindastól í 37 leikjum í deildinni.
Katrín Ásbjörnsdóttir skoraði sitt 91. mark í efstu deild í sigri Breiðabliks á Þór/KA, 4:2, og jafnaði þar með við Guðrúnu Jónu Kristjánsdóttur í 19.-20. sæti yfir þær markahæstu í deildinni frá upphafi.
Úrslitin í 16. umferð:
FH - Fylkir 3:1
Tindastóll - Þróttur R. 1:2
Stjarnan - Valur 1:1
Keflavík - Víkingur R. 1:2
Breiðablik - Þór/KA 4:2
Markahæstar:
17 Sandra María Jessen, Þór/KA
10 Jordyn Rhodes, Tindastóli
8 Vigdís Lilja Kristjánsdóttir, Breiðabliki
7 Agla María Albertsdóttir, Breiðabliki
7 Amanda Andradóttir, Val
7 Jasmín Erla Ingadóttir, Val
6 Ísabella Sara Tryggvadóttir, Val
6 Andrea Rut Bjarnadóttir, Breiðabliki
6 Katrín Ásbjörnsdóttir, Breiðabliki
5 Birta Georgsdóttir, Breiðabliki
5 Breukelen Woodard, FH
5 Hafdís Bára Höskuldsdóttir, Víkingi
5 Karen María Sigurgeirsdóttir, Þór/KA
5 Kristrún Rut Antonsdóttir, Þrótti
4 Berglind Björg Þorvaldsdóttir, Val
4 Elísa Lana Sigurjónsdóttir, FH
4 Eva Rut Ásþórsdóttir, Fylki
4 Hildigunnur Ýr Benediktsdóttir, FH
4 Ragnheiður Þórunn Jónsdóttir, Val
4 Shaina Ashouri, Víkingi
4 Snædís María Jörundsdóttir, FH
4 Úlfa Dís Úlfarsdóttir, Stjörnunni
Næstu leikir:
15.8. Þór/KA - Stjarnan
15.8. Keflavík - FH
15.8. Víkingur R. - Tindastóll
20.8. Þróttur R. - Breiðablik
20.8. Valur - Fylkir