Afturelding sótti stigin þrjú þegar að liðið heimsótti Dalvík/Reyni í 1. deild karla í knattspyrnu á Dalvíkurvelli í kvöld.
Mosfellingar unnu leikinn 3:1 og eru í sjötta sæti deildarinnar með 24 stig. Dalvík/Reynir er í næstneðsta sæti en Grótta kemst fyrir ofan með sigri eða jafntefli gegn Þrótti í kvöld.
Hrannar Snær Magnússon kom Aftureldingu yfir á 5. mínútu en Arnin Guerrero Touiki jafnaði metin á 60. mínútu.
Þá tók Aron Jóhannsson við en hann skoraði á 66. og 70. mínútu og tryggði Aftureldingu sigurinn.
Grindavík fór létt með Þór Akureyri, 3:0, í Safamýrinni.
Grindavíkurliðið er í áttunda sæti með 20 stig en Þór er í níunda með 18.
Einar Karl Ingvarsson, Dagur Ingi Hammer Gunnarsson og Josip Krznaric skoruðu mörk Grindavíkur.