RFS Riga frá Lettlandi fór afskaplega létt með UE Santa Coloma frá Andorra, 7:0, í seinni leik liðanna í 3. umferð undankeppni Evrópudeildarinnar í Riga í kvöld.
RFS vann einnig fyrri leikinn, 2:0, og því einvigið samanlagt 9:0. Lettneska liðið mun því keppa um sæti í Evrópudeildinni.
UE Santa Coloma mætir hins vegar Víkingi eða Flora Tallinn frá Eistlandi í umspili um sæti í Sambandsdeildinni í haust.
Þar er staðan 1:1 eftir fyrri leikinn í Víkinni en liðin mætast aftur í Eistlandi á morgun klukkan 16.