Spenna og jafntefli á Akureyri

Sautjánda umferðin í Bestu deild kvenna í fótbolta hófst í dag með leik Þórs/KA og Stjörnunnar á Akureyri. Lauk leiknum með 2:2-jafntefli eftir mikla spennu, hraða og skemmtun.

Þór/KA heldur þriðja sætinu óháð öðrum úrslitum í umferðinni en Stjarnan lyfti sér upp í 6. Sætið í bili en Þróttur spilar ekki fyrr en á þriðjudag og gæti þá endurheimt það.

Þór/KA var í sókn stóran hluta fyrri hálfleiks og reglulega fengu heimakonur dauðafæri. Erin McLeod í marki Stjörnunnar hafði í nógu að snúast en leikmenn Þórs/KA klúðruðu líka upplögðum færum. Það var los á 38. Mínútu sem ísinn var brotinn.

Hulda Ósk lagði upp enn eitt færið fyrir samherja og það var Margrét Árnadóttir sem rak smiðshöggið með einföldu marki.

Skömmu síðar átti Jessica Ayers skot yfir mark Þórs/KA. Þýddi það að heimakonur fengi markspyrnu. Framkvæmd hennar fór algjörlega út um þúfur og skoraði Hrefna Jónsdóttir í opið mark eftir smá hamagang í vítateig Þórs/KA.

Staðan var 1:1 í hálfleik og gátu Stjörnukonur vel við unað miðað við gang leiksins.

Það var svo allt annað að sjá til Garðbæinga í seinni hálfleiknum og áður en varði þá var Stjarnan komin með forustu. Úlfa Dís Kreye Úlfarsdóttir skoraði frábært mark eftir góðan undirbúning og nokkra pressu að marki Þórs/KA.

Eftir markið var sótt á báða bóga og var ljóst að bæði lið vildu skora meira. Leikmenn Þórs/KA voru full fljótfærir í sóknum sínum og náðu aldrei að opna Stjörnuvörnina eins og í fyrri hálfleik. Sandra María Jessen þurfti þó bara eina góða fyrirgjöf til að hamra boltann í bláhorn Stjörnumarksins og jafna leikinn í 2:2.

Hvort lið reyndi að skora sigurmark en það kom ekki og liðin sættust á jafnan hlut.

Lýsing uppfærist sjálfkrafa

Allar lýsingar í beinni

Aðrir virkir leikir

Flora Tallinn	1:2	Víkingur R.	Skoða leik
90. mín. Leik lokið Sterkur útisigur Víkings og Íslandsmeistararnir eru í dauðafæri til að komast í riðlakeppnina. Til hamingju Víkingur!
Augnablik — sæki gögn...

Keflavík	3:4	FH	Skoða leik
90. mín. Leik lokið 90+5 Ótrúlegum leik lokið með 3:4 endurkomu sigri FH.
Augnablik — sæki gögn...

Valur	0:2	Breiðablik	Skoða leik
90. mín. Kristinn Jónsson (Breiðablik) fær gult spjald +3.
Augnablik — sæki gögn...

Víkingur R.	5:1	Tindastóll	Skoða leik
90. mín. Leik lokið Víkingur vinnur þægilegan 5:1 sigur.
Augnablik — sæki gögn...

Leiklýsing

Þór/KA	2:2	Stjarnan	Opna lýsingu Loka
90. mín. Sandra María Jessen (Þór/KA) á skot framhjá Enn er sandra að búa til eitthvað úr erfiðum fyrirgjöfum. Nú snéri hún baki í markið en náði móttöku og skoti.
Augnablik — sæki gögn...

• Blogga um frétt