Birkir Heimisson, leikmaður Þórs í 1. deild karla, fékk að líta rauða spjaldið undir lok fyrri hálfleiks þegar Fjölnir heimsótti Þorpið í gær fyrir harkalegt olnbogaskot.
Máni Austmann Hilmarsson, leikmaður Fjölnis, lék boltanum fram hjá Birki sem steig fyrir Fjölnismanninn og rak olnbogann framan í hann. Helgi Mikael Jónasson, dómari leiksins, var í góðri stöðu til að meta atvikið og sýndi Birki rauða spjaldið.
Birkir hafði skömmu áður komið heimamönnum yfir í leiknum en einum færri allan síðari hálfleik náðu Þórsarar jafntefli, 1:1.
Myndband af atvikinu má sjá hér fyrir neðan.
Líkamsárás! @Fotboltinet pic.twitter.com/X54CfDTcN3
— Gula Þruman (@gulathruman) August 18, 2024