17. umferð: Heiða í 150 og Sandra jafnaði sitt besta
Setja bókamerki
Heiða Ragney Viðarsdóttir, miðjumaður Breiðabliks, bættist í gærkvöld í hóp þeirra leikmanna sem hafa spilað 150 leiki í efstu deild kvenna í fótbolta hér á landi, þegar Blikar unnu Þrótt 4:2 í 17. umferð Bestu deildarinnar.
Heiða leikur sitt fyrsta tímabil með Blikum og hefur spilað alla 17 leiki liðsins í deildinni í ár. Áður lék hún 77 leiki í efstu deild með Þór/KA og síðan 56 leiki með Stjörnunni.
Sandra María Jessen skoraði sitt 18. mark í deildinni í ár þegar Þór/KA gerði jafntefli við Stjörnuna, 2:2. Þar með jafnaði hún sitt besta tímabil í deildinni en Sandra skoraði 18 mörk í 18 leikjum árið 2012, aðeins 17 ára gömul, þegar Þór/KA varð Íslandsmeistari í fyrsta skipti.
Mörkin átján hjá Söndru eru þegar orðin hæsta markaskor einstaklings í deildinni frá árinu 2018 þegar Berglind Björg Þorvaldsdóttir skoraði 19 mörk fyrir Breiðablik.
Samantha Smith skoraði fyrir Breiðablik í fyrsta leik sínum í deildinni í gærkvöld þegar Blikar unnu Þrótt 4:2.
Lillý Rut Hlynsdóttir skoraði sitt fyrsta mark í deildinni í þrjú ár og þrjá mánuði þegar hún gerði fyrra mark Vals í sigri á Fylki, 2:0, í gærkvöld.
Hildur Katrín Snorradóttir úr FH skoraði sitt fyrsta mark í efstu deild þegar Hafnarfjarðarliðið vann upp þriggja marka forskot Keflavíkur og vann 4:3.
Freyja Stefánsdóttir úr Víkingi skoraði sitt fyrsta mark í deildinni þegar liðið vann Tindastól 5:1.
Úrslitin í 17. umferð:
Þór/KA - Stjarnan 2:2
Keflavík - FH 3:4
Víkingur R. - Tindastóll 5:1
Þróttur R. - Breiðablik 2:4
Valur - Fylkir 2:0
Markahæstar:
18 Sandra María Jessen, Þór/KA
10 Jordyn Rhodes, Tindastóli
9 Vigdís Lilja Kristjánsdóttir, Breiðabliki
7 Agla María Albertsdóttir, Breiðabliki
7 Amanda Andradóttir, Val
7 Jasmín Erla Ingadóttir, Val
6 Birta Georgsdóttir, Breiðabliki
6 Breukelen Woodard, FH
6 Ísabella Sara Tryggvadóttir, Val
6 Andrea Rut Bjarnadóttir, Breiðabliki
6 Katrín Ásbjörnsdóttir, Breiðabliki
5 Elísa Lana Sigurjónsdóttir, FH
5 Hafdís Bára Höskuldsdóttir, Víkingi
5 Karen María Sigurgeirsdóttir, Þór/KA
5 Kristrún Rut Antonsdóttir, Þrótti
5 Linda Líf Boama, Víkingi
5 Shaina Ashouri, Víkingi
5 Snædís María Jörundsdóttir, FH
5 Úlfa Dís Úlfarsdóttir, Stjörnunni
Næstu leikir:
25.8. FH - Valur
25.8. Breiðablik - Víkingur R.
25.8. Fylkir - Þór/KA
25.8. Stjarnan - Þróttur R.
25.8. Tindastóll - Keflavík
Ýmsir ekki í þeirri stöðu að vera með eftirlaun
„Það eru dimm ský á lofti“
Von á fleiri heitavatnslokunum
Viðbragðsáætlun landvarða við Skaftá virkjuð
Vill vindorkugarða á afmörkuðum svæðum
„Því færri sem dvelja í bænum því betra“
Stýrivextir Seðlabankans áfram óbreyttir