Íslenska U23-ára landslið kvenna í knattspyrnu mun mæta jafnöldrum sínum frá Finnlandi í tveimur vináttuleikjum í lok október.
Leikirnir fara báðir fram í Finnlandi dagana 24. og 27. október en ekki liggur fyrir að svo stöddu á hvaða velli eða völlum þeir verða leiknir.
U23-ára landsliðið lék fjóra vináttulandsleiki á síðasta ári, tvo gegn Danmörku og tvo gegn Marokkó.
Báðir leikirnir gegn Dönum töpuðust en Ísland vann fyrri leikinn gegn Marokkó og þeim síðari lauk með jafntefli.