Sigur Víkings á UE Santa Coloma frá Andorra, 5:0, í undankeppni Sambandsdeildar karla í fótbolta á Víkingsvellinum í kvöld er í hópi fimm stærstu sigra íslenskra karlaliða í Evrópukeppni.
Víkingar hafa sjálfir einu sinni áður unnið fimm marka sigur, gegn Levadia Tallinn frá Eistlandi, 6:1, fyrir tveimur árum.
Breiðablik og KR deila hins vegar stærstu sigrunum en bæði hafa unnið sex marka sigur í Evrópukeppni.
Þessir fimm stærstu sigrar íslenskra liða eru eftirtaldir:
Breiðablik vann Tre Penne frá San Marínó, 7:1, í forkeppni Meistaradeildar á Kópavogsvelli sumarið 2023.
KR vann Glenavon, 6:0, á útivelli á Norður-Írlandi í 1. umferð undankeppni Evrópudeildar sumarið 2016.
Víkingur vann Levadia Tallinn frá Eistlandi, 6:1, í forkeppni Meistaradeildar á Víkingsvelli sumarið 2022.
Breiðablik vann Buducnost frá Svartfjallalandi, 5:0, í forkeppni Meistaradeildar á Kópavogsvelli sumarið 2023.
Víkingur vann UE Santa Coloma frá Andorra, 5:0, í 4. umferð undankeppni Sambandsdeildar í kvöld.
Nikolaj Hansen skoraði tvö marka Víkings í kvöld og er þar með orðinn markahæsti leikmaður félagsins í Evrópukeppni með samtals sex mörk. Hann sló met Kristals Mána Ingasonar sem skoraði fimm Evrópumörk fyrir Víking.