Topplið ÍBV mátti þola tap, 3:2, á heimavelli gegn Aftureldingu í 1. deild karla í fótbolta í dag. Þrátt fyrir tapið er ÍBV enn í toppsætinu með 35 stig. Afturelding er í fimmta sæti með 30.
Vicente Valor kom ÍBV yfir á 25. mínútu en Elmar Kári Enesson Cogic jafnaði á 44. mínútu og var staðan í hálfleik 1:1.
Oliver Heiðarsson kom ÍBV aftur yfir á 62. mínútu en Mosfellingar neituðu að gefast upp því Georg Bjarnason jafnaði á 72. mínútu og Arnór Gauti Ragnarsson gerði sigurmark Aftureldingar á 75. mínútu.
Þá vann Þróttur úr Reykjavík óvæntan og dramatískan 3:2-sigur á Keflavík á heimavelli.
Liam Daði Jeffs skoraði eina mark fyrri hálfleiks fyrir Þrótt á 30. mínútu. Axel Ingi Jóhannesson jafnaði á 53. mínútu, en Emil Skúli Einarsson kom Þrótti yfir á 65. mínútu, 2:1.
Mihael Mladen jafnaði í 2:2 á 79. mínútu en Sigurður Steinar Björnsson gerði sigurmark Þróttar á fjórðu mínútu uppbótartímans.
Keflavík er í fjórða sæti með 31 stig. Þróttur er í sjöunda sæti með 26.