Valsmaðurinn Sigurður Egill Lárusson komst á sunnudaginn í fámennan hóp íslenskra knattspyrnumanna þegar hann lék með Hlíðarendaliðinu gegn Vestra í 20. umferð Bestu deildar karla.
Þetta var 250. leikur Sigurðar í deildinni en hann er aðeins 21. leikmaðurinn í sögu Íslandsmótsins sem nær þeim leikjafjölda. Hann er sá þriðji á þessu tímabili sem nær 250 leikjum, á eftir liðsfélaga sínum Kristni Frey Sigurðssyni og Blikanum Damir Muminovic en þeir tveir deila nú 16.-17. sætinu með 262 leiki hvor.
Af þessum 250 leikjum hefur Sigurður leikið 232 með Val og 18 með Víkingi en hann er fjórði leikjahæsti Valsmaðurinn í deildinni frá upphafi, á eftir Hauki Páli Sigurðssyni, Bjarna Ólafi Eiríkssyni og Sigurbirni Hreiðarssyni.
Arnþór Ari Atlason, miðjumaður HK, náði tveimur stórum áföngum þegar Kópavogsliðið lagði KR að velli, 3:2, síðasta fimmtudagskvöld. Arnþór lék þar sinn 200. leik í deildinni og um leið sló hann leikjamet HK í efstu deild með því að spila sinn 98. leik fyrir félagið. Hann fór þar með framúr Arnari Frey Ólafssyni markverði sem var kominn með 97 leiki þegar hann sleit hásin fyrir nokkrum vikum.
Leikirnir 200 hjá Arnþóri skiptast þannig að 98 eru fyrir HK, 82 fyrir Breiðablik og 20 fyrir Fram.
Björn Daníel Sverrisson, miðjumaður FH, komst í hóp þeirra leikmanna sem hafa skorað 50 mörk í efstu deild þegar hann gerði tvö marka liðsins í sigrinum á Fylki, 3:2, í Árbænum í fyrrakvöld. Hann er fjórði leikmaðurinn sem nær 50. markinu á þessu tímabili en hinir eru Nikolaj Hansen úr Víkingi, Emil Atlason úr Stjörnunni og Tryggvi Hrafn Haraldsson úr Val.
Björn hefur skorað öll sín 50 mörk fyrir FH og er sjöundi leikmaðurinn sem nær þeim markafjölda fyrir Hafnarfjarðarfélagið. Hann er fjórði leikjahæstur hjá FH í sögunni með 231 leik fyrir félagið í efstu deild.
Úrslitin í 20. umferð:
HK - KR 3:2 (17. umferð)
Valur - Vestri 3:1
ÍA - Breiðablik 1:2
Fram - KA 1:2
Fylkir - FH 2:3
Stjarnan - HK 2:0
KR - Víkingur R. frestað til 13. september
Markahæstir í deildinni:
15 Viktor Jónsson, ÍA
13 Patrick Pedersen, Val
11 Jónatan Ingi Jónsson, Val
9 Emil Atlason, Stjörnunni
8 Björn Daníel Sverrisson, FH
8 Gylfi Þór Sigurðsson, Val
8 Helgi Guðjónsson, Víkingi R.
7 Benoný Breki Andrésson, KR
7 Höskuldur Gunnlaugsson, Breiðabliki
7 Sigurður Bjartur Hallsson, FH
7 Tryggvi Hrafn Haraldsson, Val
7 Valdimar Þór Ingimundarson, Víkingi
6 Danijel Dejan Djuric, Víkingi R.
6 Guðmundur Magnússon, Fram
6 Hallgrímur Mar Steingrímsson, KA
5 Ari Sigurpálsson, Víkingi R.
5 Arnþór Ari Atlason, HK
5 Atli Þór Jónasson, HK
5 Ásgeir Sigurgeirsson, KA
5 Daníel Hafsteinsson, KA
5 Haukur Örn Brink, Stjörnunni
5 Ísak Snær Þorvaldsson, Breiðabliki
5 Jason Daði Svanþórsson, Breiðabliki
5 Nikolaj Hansen, Víkingi R.
5 Úlfur Ágúst Björnsson, FH
5 Viktor Karl Einarsson, Breiðabliki
5 Örvar Eggertsson, Stjörnunni
Næstu leikir:
1.9. Vestri - Fylkir
1.9. KA - Breiðablik
1.9. FH - Stjarnan
1.9. KR - ÍA
1.9. Víkingur - Valur
1.9. HK - Fram