KR fjarlægðist mestu fallhættuna með sigri á ÍA, 4:2, í Bestu deild karla í fótbolta í kvöld. KR er nú í níunda sæti með 21 stig, fjórum stigum fyrir ofan fallsæti. ÍA er með 31 stig í fimmta sæti.
Skagamenn byrjuðu betur og Hinrik Harðarson skoraði fyrsta markið á tíundu mínútu. Viktor Jónsson skallaði boltann aftur fyrir sig á Hinrik sem slapp einn í gegn og skoraði af öryggi.
Aðeins tveimur mínútum síðar jafnaði Benoný Breki Andrésson með skalla af stuttu færi eftir góða fyrirgjöf frá Ástbirni Þórðarsyni.
Benoný var aftur á ferðinni á 27. mínútu með sínu öðru marki og öðru marki KR er hann sendi boltann af öryggi í hornið úr teignum eftir stutta sendingu frá Luke Rae og fyrirgjöf frá Atla Sigurjónssyni.
KR-ingar sköpuðu sér hvert færið á fætur öðru og fór Benoný illa með dauðafæri til að skora þrennuna og þá fór Luke Rae illa með tvö mjög góð færi.
Það stöðvaði hins vegar ekkert Benoný á 35. mínútu er hann skoraði af stuttu færi eftir fyrirgjöf frá Aroni Sigurðarsyni og fullkomnaði þrennuna. Reyndist það síðasta mark fyrri hálfleiks og KR með tveggja marka forskot í hálfleik.
Seinni hálfleikur fór rólega af stað en KR-ingar voru sterkari aðilinn framan af. Það kom því gegn leiksins þegar Viktor Jónsson minnkaði muninn í 3:2 á 62. mínútu er hann skallaði í netið af stuttu færi eftir fyrirgjöf frá varamanninum Steinari Þorsteinssyni.
Skagamenn voru mun líklegri til að jafna en KR að ná tveggja marka forystu á ný næstu mínútur en Guy Smit varði nokkrum sinnum vel í marki heimamanna.
KR-ingar nýttu sér það, því Luke Rae skoraði fjórða mark heimamanna í uppbótartíma og þar við sat.
FH | 0:3 | Stjarnan |
![]() |
---|---|---|---|
0:3. Emil fær boltann frá vinstir og skorar örugglega. | Emil Atlason (Stjarnan) skorar