HK með dramatískan sigur
Setja bókamerki
HK vann dramatískan sigur á Fram, 1:0, í 21. umferð Bestu deildar karla í knattspyrnu í Kórnum í kvöld.
Úrslitin þýða að HK fer upp í tíunda sæti með 20 stig en Fram er áfram í áttunda sæti með 26 stig.
Fyrri hálfleikurinn var nokkuð rólegur og var lítið um færi. Fram fékk besta færi fyrri hálfleiksins á áttundu mínútu þegar fyrirgjöf Haralds Einars Ásgrímssonar fann Alex Frey Elísson aleinan í teignum en skot Alex fór yfir markið.
Á lokamínútu fyrri hálfleiks átti Kennie Chopart fast skot sem fór í höndina á Þorsteini Aron Antonssyni, varnarmanni HK, og benti Gunnar Freyr Róbertsson, dómari leiksins, á punktinn.
Fred Saraiva steig á vítapunktinn fyrir Fram en Christoffer Petersen fór í rétt horn og varði vítaspyrnu Saraiva. Markalaust í hálfleik.
Síðari hálfleikur byrjaði af miklum krafti og ógnuðu bæði lið. Guðmundur Magnússon fékk gott færi á 52. mínútu þegar fyrirgjöf Haralds fann Guðmund á fjærstönginni en skalli hans fór í hliðarnetið.
Leikurinn róaðist í kjölfarið og var mikið af stoppum vegna meiðsla sem hægði á hraða leiksins.
Þorsteinn Aron Antonsson braut ísinn fyrir HK á 85. mínútu með marki. Dagur Örn Fjeldsted kom með fyrirgjöf sem fann Þorstein sem skallaði boltann í netið.
Mörkin urðu ekki fleiri og því lokaniðurstöður 1:0 sigur HK.
Aðrir virkir leikir
| Vestri | 0:0 | Fylkir |
|
|---|---|---|---|
| Morten Ohlsen Hansen (Vestri) fær gult spjald | |||
| Man. United | 0:3 | Liverpool |
|
|---|---|---|---|
| Leik lokið | |||
| Tindastóll | 2:1 | Keflavík |
|
|---|---|---|---|
| Leik lokið Heimakonur í Tindastól vinna 2-1 sigur á Keflavík og hafa komið sér þægilega fyrir með 16 stig í botnbaráttunni. Fylkir og Keflavík eru í tveimur neðstu sætunum með 10 stig. | |||
| KA | 2:3 | Breiðablik |
|
|---|---|---|---|
| Arnór Gauti Jónsson (Breiðablik) fær gult spjald | |||
| FH | 0:3 | Stjarnan |
|
|---|---|---|---|
| Emil Atlason (Stjarnan) skorar 0:3. Emil fær boltann frá vinstir og skorar örugglega. | |||
| KR | 4:2 | ÍA |
|
|---|---|---|---|
| Gyrðir Hrafn Guðbrandsson (KR) fær gult spjald Kom í veg fyrir að Árni næði að sparka boltanum hratt fram | |||
| Víkingur R. | 3:2 | Valur |
|
|---|---|---|---|
| Leik lokið +7 - ÞVÍLÍKUR SIGUR HJÁ VÍKINGUM! ÞVÍLÍKUR LEIKUR! ÉG Á EKKI TIL ORÐ! | |||
Leiklýsing
| HK | 1:0 | Fram |
|
|---|---|---|---|
| Atli Þór Jónasson (HK) á skot framhjá Fast skot rétt framhjá. | |||
Hver hefur drepið mann – á Ísafirði?
„Þetta er grafalvarlegt mál“
Harris segir Trump hafa vanvirt helga jörð
Sex gíslar fundust látnir í Rafah
Gerbreytt staða hælisleitarmála
Hinn almenni Íslendingur tengi ekki við flokkinn í dag
Gáfu Miðflokknum óvart vægi
Myndir: Guðrún vígð sem biskup Íslands
