Aldís María Jóhannsdóttir reyndist hetja Tindastóls þegar liðið tók á móti botnliði Keflavíkur í 19. umferð Bestu deildar kvenna í knattspyrnu á Sauðárkróki í dag. Leiknum lauk með naumum sigri Tindastóls, 2:1, en Aldís María skoraði sigurmark leiksins á 78. mínútu.
Uppskera stúlknanna úr Skagafirðinum, þrjú dýrmæt stig. Þær eru komnar með 16 stig, nokkuð þægilegt forskot á Fylki og Keflavík sem sitja í tveimur neðstu sætunum með 10 stig.
Mikil barátta einkenndi fyrstu mínúturnar en heimastúlkur náðu prýðilegri sókn um miðjan hálfleikinn. Gott samspil heimastúlkna endaði með frábærri sendingu frá Birgittu á Jordyn Rhodes sem skoraði laglega í vinstra hornið 1:0. Hennar ellefta mark í deildinni í sumar og er hún nú næstmarkahæst í Bestu deildinni.
Sigurmark í seinni hálfleik
Stúlkurnar suður með sjó náðu hins vegar að bregðast vel við eftir þetta mótlæti og uppskáru sjálfar mark á 39. mínútu. Frábær fyrirgjöf frá Caroline Van Slambrouck hitti á Melanie Forbes sem tók glæsilega á móti knettinum og kom honum framhjá markverði Tindastóls. Leikar stóðu jafnir í hálfleik, 1:1.
Áfram hélt baráttan í seinni hálfleik en það voru heimakonur sem uppskáru sigurmark þegar Jordyn Rhodes náði góðu skoti á 78. mínútu sem Vera Varis varði í marki Keflavíkur, boltinn hrökk hins vegar til Aldísar Maríu Jóhannsdóttur sem var nýkominn inn á sem varamaður. Hún náði frákastinu og skoraði í autt markið.
Í raun voru stelpurnar frá Sauðarkróki nær því að bæta við en Keflavík að jafna á lokakafla leiksins en Vera sá til þess að Jordyn skoraði ekki fleiri mörk í dag þegar hún slapp ein inn fyrir vörn Keflavíkur.
Setja bókamerki
Ísland verði ekki að „fyrirheitnu landi hælisleitenda“
„Bryndís Klara er dóttir mín“
„Þetta er grafalvarlegt mál“
„Vandamálið er ekki fólkið hérna inni“
Myndir: Guðrún vígð sem biskup Íslands
Vill færa út mörkin
Sex gíslar fundust látnir í Rafah
Tveir stungnir í gistiskýlinu á Granda
