Gylfi spenntur fyrir komandi tímum

Gylfi Þór Sigurðsson er kominn aftur í íslenska landsliðshópinn í fótbolta eftir tæplega árs fjarveru.

Hann er spenntur fyrir komandi tímum með landsliðinu, sérstaklega í ljósi þess að ungir leikmenn íslenska liðsins eru byrjaðir að skipta í stærri félög. Nú síðast skipti Orri Steinn Óskarsson í Real Sociedad á Spáni frá FC Kaupmannahöfn í Danmörku.  

„Það er meira en annar hver maður að skipta um félag upp á síðkastið, sem er mjög gott. Þetta eru jákvæð skipti hjá mörgum. Við erum með marga unga, efnilega og skemmtilega leikmenn. Komandi ár eru mjög spennandi,“ sagði Gylfi við mbl.is.

• Blogga um frétt