Íslenska drengjalandsliðið í knattspyrnu skipað leikmönnum 19 ára og yngri mátti sætta sig við naumt tap, 1:0, fyrir Katar á alþjóðlegu móti í Slóveníu í dag.
Í frétt á heimasíðu KSÍ segir að íslenska liðið hafi verið sterkari aðilinn allan leikinn en ekki tekist að skora að þessu sinni.
Liðið vann Mexíkó 3:0 í fyrsta leik alþjóðlega mótsins á fimmtudag.
Þriðji og síðasti leikur Íslands á mótinu er gegn Kasakstan á þriðjudag.