Hermann Þór Ragnarsson hefur skrifað undir nýjan samning við knattspyrnudeild ÍBV. Nýi samningurinn gildir til loka ársins 2027.
Hermann Þór hefur leikið vel með ÍBV á tímabilinu þar sem liðið trónir á toppi 1. deildar og tryggir sér sæti í Bestu deildinni að nýju með sigri á Leikni úr Reykjavík í lokaumferðinni.
Hann hefur skorað fjögur mörk í 13 leikjum í deildinni á tímabilinu og skoraði fjögur mörk í 16 leikjum í Bestu deildinni á síðasta tímabili.
Hermann Þór er 21 árs sóknarmaður sem ólst upp hjá Sindra á Höfn í Hornafirði.
Fréttirnar eru mikið gleðiefni og bindur knattspyrnuráð vonir við það að Hermann haldi áfram að leika vel í ÍBV treyjunni.