Arnar ekki með gegn Óskari
Setja bókamerki
Arnar Gunnlaugsson, þjálfari Íslandsmeistara Víkings úr Reykjavík, verður ekki á hliðarlínunni þegar liðið heimsækir KR, sem Óskar Hrafn Þorvaldsson er tekinn við, á Meistaravöllum klukkan 17 í dag.
Arnar fékk þriggja leikja bann fyrir hegðun sína eftir jöfnunarmark Vestra gegn Víkingi í Bestu deildinni í síðasta mánuði.
Síðan þá hefur Arnar ekki verið á hliðarlínunni gegn ÍA og Val og nú loks KR.
Óskar Hrafn tók alfarið við KR-liðinu fyrir rúmum mánuði síðan. Hann tók við Haugesund í Noregi í fyrra eftir að hafa komið Breiðabliki í Sambandsdeildina en entist stutt í Noregi, að eigin ósk.
Arnar og Óskar lentu oft í deilum árin 2021 til 2023 en þeir stýrðu tveimur bestu félagsliðum Íslands.
Með sigri komast Víkingar á toppinn fyrir lokaumferðina áður en deildunum verður skipt. Mikið er undir hjá KR-ingum en með sigri komast þeir fimm stigum frá fallsæti.
Skráði sig á spjöld sögunnar
„Eitthvað þarf að gera strax“
Aðalmeðferð í Nýbýlavegsmálinu hafin
Repúblikanar freista þess að snúa öldungadeildinni
Mega ekki trufla bílaumferð á Bíllausa daginn
Ríflega 30% landsmanna brjóta lögin
Flugvöll á Hólmsheiði dagaði uppi