Íþróttir | Íslenski fótboltinn | mbl | 15.9.2024 | 15:56

Torsóttur sigur ÍA

Rúnar Már Sigurjónsson fagnar marki sínu í dag. Ljósmynd/Guðmundur Bjarki

ÍA vann nauman 1:0-sigur gegn KA í 22. umferð Bestu deildar karla í knattspyrnu á Akranesi í dag.

Úrslitin þýða að ÍA fer upp fyrir FH og í fjórða sæti deildarinnar með 35 stig og verður í efri efri hlutanum í síðustu fimm umferðunum en KA er í sjöunda sæti með 27 stig og fer í neðri hlutann.

Viðureignin byrjaði afar rólega en KA var þó öllu ákafari á upphafsmínútunum. KA-menn komust í álitlegar stöður en náðu ekki að skapa sér dauðafæri.

Á 34. mínútu kom Rúnar Már Sigurjónsson Skagamönnum yfir með marki. Steinar Þorsteinsson kom með hornspyrnu á miðjan teiginn þar sem Rúnar mætti og stangaði boltann í netið.

Skömmu síðar fékk Steinar sendingu inn fyrir, keyrði í átt að markinu og skaut en Steinþór Már Auðunsson, markvörður KA, sá við honum.

Á síðustu mínútu uppbótartímans í fyrri hálfleik átti Rúnar hörkuskot úr aukaspyrnu í slána. Staðan í hálfleik, 1:0, ÍA í vil.

Síðari hálfleikur byrjaði líkt og sá fyrri mjög rólega. Mikil orka í báðum liðum en lítið um færi.

KA-menn ógnðuð lítið í síðari hálfleik og voru aldrei líklegir til að jafna metin. Lokaniðurstaða í dag, 1:0 sigur ÍA.

Lýsing uppfærist sjálfkrafa

Allar lýsingar í beinni