Sameiginlegt lið Þórs/KA/Völsungs/Tindastóls/Hvatar/Kormáks sigraði Selfoss, 4:1, í úrslitaleik bikarkeppni KSÍ í 2. flokki kvenna í fótbolta á Akureyri í gær.
Emelía Ósk Kruger, sem spilar einnig með Þór/KA í Bestu deild, kom heimakonum yfir eftir 23 mínútur en Embla Katrín Oddsteinsdóttir jafnaði metin fyrir Selfoss stuttu síðar og staðan var 1:1 í hálfleik.
Karen Hulda Hrafnsdóttir kom heimakonum aftur yfir á 55. mínútu og þær Angela Mary Helgadóttir og Bríet Fjóla Bjarnadóttir, leikmenn Þór/KA í Bestu deild, skoruðu þriðja og fjórða mark liðsins og lokatölur voru 4:1.