Stórt tap í fyrsta Sambandsdeildarleik Víkinga

Víkingur mátti þola 4:0-tap í fyrsta Sambandsdeildarleik liðsins gegn Omonia á Kýpur í dag. 

Leikurinn fór rólega af stað. Liðin skiptust á að vera með boltann án þess að skapa sér færi. Um miðbik hálfleiksins áttu Víkingar góðan kafla þar sem þeir hefðu getað komist yfir. 

Víkingur fékk fyrsta færi leiksins á 23. mínútu. Fyrirgjöf Karl Friðleifs Gunnarssonar fann Danijel Dejan Djuric í teignum sem átti góðan skalla en Fabiano, markvörður Omonia, varði meistaralega.

Skömmu síðar kom Tarik Ibrahimagic með gullfallega stungusendingu inn fyrir á Valdimar Ingimundarson en skot hans var laust og beint á Fabiano.

Í kjölfarið tók Omonia stjórn á leiknum. Hættuleg sending inn fyrir vörn Víkings rataði á Mariusz Stepinski sem komst í gott færi en Karl Friðleifur komst fyrir skot hans. Stuttu síðar barst boltinn til Loizos Loizou sem átti skot rétt framhjá markinu. 

Markalaust í hálfleik.   

Eftir góðan fyrri hálfleik sáu Víkingar aldrei til sólar í þeim síðari. 

Strax á 51. mínútu tók Omonia forystuna. Það kom eftir hornspyrnu frá Charalampos Charalampous sem fann kollinn á Senou Coulibaly sem skallaði boltann í netið, 1:0.  

Andronikos Kakoulli tvöfaldaði forystu Omonia á 81. mínútu. Charalampous átti laust skot sem Ingvar Jónsson varði fyrir fætur Kakoulli sem skoraði í autt markið. 

Varamaðurinn Alioum Saidou skoraði þriðja mark Omonia á 86. mínútu. Saidou vann boltann af Davíð Erni Atlasyni, keyrði að marki Víkings og skoraði. 

Kakoulli innsiglaði sigur Omonia með sínu öðru marki á 90. mínútu. Valdimar átti slaka sendingu til baka sem Kakoulli komst í, lék á Ingvar og skoraði í opið markið. 

Mörkin urðu ekki fleiri og lokaniðurstöður 4:0-sigur heimamanna.

Víkingur fær Stjörnuna í heimsókn á sunnudaginn í næsta leik. Næsti leikur liðsins í Sambandsdeildinni er gegn Cercle Brugge þann 24. október en leikurinn fer fram á Kópavogsvelli.

Lýsing uppfærist sjálfkrafa

Allar lýsingar í beinni

Aðrir virkir leikir

FH	12:13	Valur	Skoða leik
30. mín. Hálfleikur Straðan 13:12 fyrir Val eftir skemmtilegan fyrri hálfleik. Valur verið skrefi á undan allan leikinn en FH ekki langt undann
Augnablik — sæki gögn...

Leiklýsing

Omonia Nikósía	4:0	Víkingur R.	Opna lýsingu Loka
90. mín. Andronikos Kakoulli (Omonia Nikósía) skorar 4:0 - Valdimar með slaka sendingu til baka sem Kakoulli kemst í, leikur á Ingvar og skorar í opið markið.
Augnablik — sæki gögn...

• Blogga um frétt