HK tekur á móti Fylki í botnbaráttuslag í 25. umferð Bestu deildar karla í fótbolta klukkan 17 í Kórnum í Kópavogi. Fylgst er með gangi mála í beinni textalýsingu hér á mbl.is.
HK er fyrir leikinn í 11. og næstneðsta sæti deildarinnar og berst fyrir lífi sínu í deildinni, fjórum stigum á eftir Vestra sem er í 10. sætinu. Fylkir er í tólfta og neðsta sætinu og ef liðið vinnur ekki í dag er liðið fallið í 1. deild.