Þjálfar sameiginlegt lið Grindavíkur og Njarðvíkur

Gylfi Tryggvason hefur verið ráðinn þjálfari meistaraflokks kvenna hjá sameiginlegu liði Grindavíkur og Njarðvíkur.

Þetta tilkynntu félögin á samfélagsmiðlum sínum í gær en Gylfi skrifaði undir þriggja ára samning við Suðurnesjaliðin.

Frétt af mbl.is

Grindavík og Njarðvík sameinast

Gylfi var áður aðstoðarþjálfari kvennaliðs HK, ásamt því að þjálfa yngri flokka félagsins, en hann hefur einnig þjálfað hjá Fylki, Stjörnunni og Árbæ á ferlinum.

„Gylfi mun gegna lykilhlutverki í því að leiða kvennaknattspyrnu á Suðurnesjum inn í nýjan kafla með markmiðið að efla liðið og koma því á hærri stall,“ segir meðal annars í fréttatilkynningu félaganna.

• Blogga um frétt