Bosníumaðurinn Antoni Bandic dæmir leik Íslands og Wales í Þjóðadeild karla í fótbolta á Laugardalsvelli en flautað verður til leiks klukkan 18.45 í kvöld.
Bandic þekkir það vel að dæma leiki Íslands og Wales því hann var með flautuna er U21 árs landslið þjóðanna leiddu saman hesta sína í undankeppni EM í Wales í nóvember í fyrra.
Wales vann þann leik 1:0, þrátt fyrir að Kristall Máni Ingason hafi komið boltanum í mark Wales. Bandic dæmdi markið af og spjaldaði Kristal fyrir að nota höndina, sem var kolrangur dómur.