Fjórar breytingar á byrjunarliði Íslands
Setja bókamerki
Åge Hareide, þjálfari íslenska karlalandsliðsins í knattspyrnu, hefur tilkynnt byrjunarlið sitt fyrir leik liðsins gegn Wales í 4. riðli B-deildar Þjóðadeildar Evrópu á Laugardalsvelli í kvöld.
Hareide gerir fjórar breytingar á byrjunarliðinu frá því í síðasta leik, 3:1-tapi fyrir Tyrklandi ytra í Þjóðadeildinni í síðasta mánuði.
Valgeir Lunddal Friðriksson, Sverrir Ingi Ingason, Willum Þór Willumsson og Andri Lucas Guðjohnsen koma allir inn í byrjunarliðið í stað Guðlaugs Victors Pálssonar, Hjartar Hermannssonar, Mikaels Andersons og Gylfa Þórs Sigurðssonar, sem allir eru á varamannabekknum í kvöld.
Byrjunarlið Íslands (4-4-2):
Mark: Hákon Rafn Valdimarsson.
Vörn: Valgeir Lunddal Friðriksson, Sverrir Ingi Ingason, Daníel Leó Grétarsson, Kolbeinn Birgir Finnsson.
Miðja: Willum Þór Willumsson, Stefán Teitur Þórðarson, Jóhann Berg Guðmundsson (fyrirliði), Jón Dagur Þorsteinsson.
Sókn: Andri Lucas Guðjohnsen, Orri Steinn Óskarsson.
„Ekkert óvenjulegt“ við ályktun flokksins
Niðurstaðan kom oddvitanum á óvart
Bjarni: „Stjórnin er í brekku“
„Við ætlum ekki að láta þjóðgarðinn stoppa okkur“
Leitaði á neyðarmóttöku en sagt að koma seinna
Konungur sæmdi Höllu fílsorðunni