Landsleikur á Laugardalsvelli í kvöld

Landsleikur Íslands og Tyrklands í 4. riðli B-deildar Þjóðadeildar karla í knattspyrnu fer fram á Laugardalsvelli í kvöld eins og til stóð.

Þetta kom fram í tilkynningu sem KSÍ birti á samfélagsmiðlinum sínum i dag en það kom til greina að fresta leiknum á einhverjum tímapunkti vegna vallarskilyrða í Laugardalnum.

Frétt af mbl.is

Taka ákvörðun um leikhæfi á næsta klukkutímanum

„UEFA hefur staðfest að leikur Íslands og Tyrklands fer fram á Laugardalsvelli í kvöld á tilsettum tíma,“ segir í tilkynningu KSÍ.

„Ákvörðunin var tekin að lokinni vallarskoðun sem fór fram kl. 14:00 í dag þar sem viðstaddir voru dómarar leiksins og aðrir fulltrúar UEFA, ásamt fulltrúum beggja liða,“ segir enn fremur í tilkynningunni.

• Blogga um frétt