Orri Steinn Óskarsson kom Íslandi yfir á þriðju mínútu leiks gegn Tyrklandi í 4. riðli B-deildar Þjóðadeildar karla í knattspyrnu á Laugardalsvelli í kvöld.
Orri fékk boltann frá Mikael Anderson við miðjulínuna og var einn gegn Abdülkerim Bardakcı varnarmanni Tyrklands.
Orri keyrði upp hálfan völlinn, hélt Bardakci frá sér og smellti boltanum í þaknetið yfir Ugurcan Cakır markmann.