Íslandsmeistarar Víkings mæta Breiðabliki í lokaleik Bestu deildar karla í knattspyrnu á Víkingsvelli í 27. umferðinni sunnudaginn 27. október.
Upphaflega átti leikurinn að fara fram klukkan 14 en hann hefur nú verið færður til 18.30 og verður því kvöldleikur undir fljóðljósum.
Liðin tvö eru í fyrsta og öðru sæti deildarinnar með 56 stig en Víkingar eru ofar á markatölu.
Víkingar eru búnir að tryggja sér úrslitaleikinn en Breiðablik þarf allavega stig gegn Stjörnunni til að vera með í baráttunni í síðustu umferð, nema ef Víkingur vinnur ekki ÍA upp á Akranesi.