Knattspyrnumaðurinn Viðar Örn Kjartansson hefur verið úrskurðaður í tímabundið keppnisbann af FIFA vegna skulda.
Þetta staðfesti Haukur Hinriksson lögfræðingur KSÍ í samtali við 433.is
Viðar var ekki í leikmannahópi KA sem vann Vestra í næstusíðustu umferð Bestu deildarinnar í gær.
Í frétt 433.is kemur fram að Viðar hafi samið við CSKA Sofia í Búlgaríu um ákveðnar skyldur gagnvart félaginu.
Viðar hefur þá ekki efnt sinn hluta í starfslokasamningnum og CSKA Sofia fór með málið til FIFA.
Viðar er því í banni frá fótbolta þar til hann gerir upp skuldbindingar sínar gagnvart búlgaríska liðinu, eða svo hefur 433.is eftir Hauki.