Arnar Gunnlaugsson, þjálfari Víkinga, verður fjarverandi í úrslitaleik liðsins um Íslandsmeistaratitilinn gegn Breiðablik í Víkinni næsta sunnudagskvöld.
Arnar mun taka út leikbann þar sem hann hefur fengið fjögur gul spjöld á tímabilinu.
Aga- og úrskurðarnefnd KSÍ mun koma saman á morgun og þá verður Arnar að öllum líkindum úrskurðaður í leikbannið.
Leikurinn verður sá fimmti þar sem Arnar tekur út leikbann en hann hefur tvívegis fengið rautt spjald.