Valur eyddi færslunni um metsöluna

Knattspyrnudeild Vals hefur eytt færslu um að félagið hafi selt landsliðsmarkvörðinn Fanneyju Ingu Birkisdóttur á metupphæð til sænska félagsins Häcken.

Valur tilkynnti á samfélagsmiðlum sínum á föstudag að félagið hafi komist að samkomulagi um kaup Häcken á hinni 19 ára Fanneyju á upphæð sem hefur áður ekki sést í íslenskum kvennafótbolta.

Frétt af mbl.is

Seld á „upphæð sem hefur ekki sést áður í kvennaboltanum“

Fanney hefur varið mark Vals und­an­far­in tvö tíma­bil þar sem hún hef­ur orðið Íslands- og bikar­meist­ari. Þá hef­ur hún verið aðal­markvörður landsliðsins und­an­farið ár og spilað sjö A-lands­leiki.

Í til­kynn­ingunni sagði Björn Stein­ar Jóns­son, vara­formaður Vals, að kaup­verðið væri trúnaðar­mál en að ljóst væri að fé­lagið sé að fá upp­hæð sem ekki hafi sést í ís­lenska kvenna­bolt­an­um til þessa.

„Og Fann­ey Inga stend­ur al­veg und­ir því enda telj­um við að hún eigi eft­ir að ná langt í framtíðinni. Við ósk­um henni alls hins besta og get­um ekki beðið eft­ir því að fylgj­ast með henni á stóra sviðinu,“ sagði Björn Stein­ar.

Uppfært: Félögin hafa komist að samkomulagi en Häcken og Fanney eiga eftir að ganga frá kaupum og kjörum sín á milli. 

• Blogga um frétt